NGO MUSITANTERI WA KOMINE MUSIGATI, DÉO KWIZERIMANA NTIYATANZE IMIHOHO YARABOGOJWE

NGO MUSITANTERI WA KOMINE MUSIGATI, DÉO KWIZERIMANA NTIYATANZE IMIHOHO YARABOGOJWE 

 Inyuma y'igipfungu cinshi cari gihishije "ikomborwa" rya musitanteri wa komine musigati iri mu ntara ya Bubanza,Umugumyabanga Deo Kwizerimana hahavuye hamenyekana inkuru y'ubusuma bw'amabati bwakozwe n'uwo nyene nk'uko avyagirizwa n'inama mpanuzwajambo y'ikomine yatwara. Muntango benshi bumvise ngo yatanze imihoho biyumvira ko bwoba ari ubutwari bwa cane kuko bitigeze bivugwa nk'uko ahandi bigenda.

Ngo uretse kwihagira no kunyuruza amabati yari yagenewe kwubaka zimwe mu nyubakwa rusangi nk'amashure n'amavuriro no gusanurira bamwe mu batishoboye bo ku mitumba igize iyo komine ya Musigati, haravugwa ko Déo yari mu babangamiye ubutunzi n'iterambere rya komine Musigati aho mbere muri vyinshi bimuvugwako vyaranze ikiringo ciwe harimwo kurya igiturire mu gihe hari ivyo barondera bisaba ko abashirirako umukono (ikarata karangamuntu, impapuro ndangatongo n'ibindi...). 

Aha twobamenyesha ko inyuma y'igihe kirekire iyo komine ya Musigati yarimaze atawuyiramutswa, ubu igiye kurongorwa n'uwitwa Joachim NDUWUMUKAMA, yari asanzwe akora akazi kw'ubwigisha.

(ifoto ya Joachim NDUWUMUKAMA, musitanteri mushasha     aramutswa komine Musigati)