Abenegihugu b’ i Buringa baratakimbira umukuru w’igihugu

Umuyobozi mukuru wa SRDI yagirizwa kurandura imirima yo kumadige.

Imyidogo myishi n’amarira
nivyo bikwakira ugishika mu kigwati ca gatanu muri zone Buringa na Komine Gihanga.
Ayo marira n’ayabarimyi bo mu kiyaya kirimwamwo umuceri cegukira ishirahamwe
SRDI. Baridogera umuyobozi wa SRDI mu ''kubafukama mu nda'' mu kurandagura
ibiterwa biteragiye ku magungiro bita amadige akikuje iyo mirima y’imiceri.

Umwe muri abo
barimyi ati:'' Twahora turima utuboga, utugori, intore narirya umukuru w’igihugu
yarivumereye ngo turime  aho hantu hose
hashobora kurimwa, turime dukure amaboko mu mpuzu ariko rero hari itegeko ryo
kwa jenerari  ngo kizira kurima kuri ayo
madige mubona ngaha. Aha yatumariye imirima yacu, nimba yanka ko bimenyekana
agenda abipakiye  mu modoka yiwe kandi
agaca akora amakosa agakoresha igiporisi ngo kirandure imirima. Mudushikirire umukuru
w’igihugu nimba yodutabara yishikira ngaha abone ayo tugowe ".

Ngo sinivyo gusa
ngo uretse ivyo arandura aterera mu migende itwara amazi avomera imiceri ibindi
abipakira mu modokari avuga ngo agiye kubigaburira abatishoboye.

Umupfakazi yumiwe
ati: ''Uyu nyakubahwa ni ukuri twamukunda ariko urabona ivyo ariko aragira si
vyo.twebwe murabona dufise abana, aho twakura akagori nka twebwe tutagira ama
paresera hari ahanyene kw’idigi. Twatera irengarenga n’utu nyene muhasanze
.Urabona uwo hareka imbega ziruhukira muri nya muceri.Ibintu ariko arakora
ntitwovyemera nka harya iruhande yanje imirima yararanduye aragenda.uwo ntawoza
kuvyemera ni ukuri''.

Iyo bishitse naho
aje kurandagura iyi mirima agasanga abariko bakorera kuri ayo madigi abatwara
amasuka , amapompu yo gupompa canke amamashine avomera imirima akabijana kubifungira
ku biro iwe.

Uyundi murimyi ati
:''Aha n’imoteri zirafatwa zigafungwa nimba zigombozwa amahera ntumbaze. Rero ico
nshimikirako hari umushingantahe gafundosi ntiayari bwigere arandura
imirima.Ibi bintu tubibonye muri iyi myaka mikeyi. None bagoma twomoke? Bagomba
tugire nte? Hariya epfo k ry’umunani,
ku ry’icenda ibintu vose yaranduye. Yandanduriye itomati nti noneho ndapfuye
nti hinge nshireho ibigombo vy’imyumbati none yabiranduye yaciye abijana n’imodoka.
None iyi Reta nkozi ni uko ikora ?Umuvyeyi nyakubahwa umukuru w’igihugu ni
atugarukira''.

Twarondeye umukuru wa SRDI turamukena. Umuukuru
w’ikigwati ca gatanu yatwimye amakuru ariko twikoze ku mukuru wa zone Ninga
yavuze ko ivyo bintu ataco abiziko kandi ko atigeze abimenyeshwa nk’uwutwara
ako karere. Yikoze kuri terefone yahamagaye umuyobozi mukuru wa SRDI nawe
amubarira ko abo barimyi bamusanga ku biro kugira barabire hamwe ico korwa.

Umurimyi
umwe ati :'' Dushaka abe ariwe aza kuko n’abandi bambujije kuja ku
Mugerero kuko noba niroshe''.