KAYANZA: Umurimyi mworozi Karori MBONANKIRA yoba agiye gusubizwa utwiwe.

KAYANZA: Umurimyi mworozi Karori MBONANKIRA yoba agiye gusubizwa utwiwe.

Umurimyi mworozi Karori MBONANKIRA arongoye ikoperative yihaye intumbero yo kugwiza imbuto zirobanuye mu ntara ya Kayanza avuga ko iyo koperative yahomvye amafaranga agera kumiliyoni mirongo irindwi (+70.000.000fbu) bivuye kubantu bononye bimwe mubikoresho vyo kuvomera imirima iri ku mutumba wa Nyanza uri muri Komine n'Intara ya Ngozi.

Kuri uyu wagatanu igenekerezo ry'9 Kigarama , umuyobozi mukuru wa ANACOOP yarishikiye ku mutumba wa Nyanza aho umurimyi Karori Mbonankira yahora arangurira ibikorwa vy'uburimyi mugabo akaba yarahagaritswe ngo hadakurikijwe amategeko. Yasanze ibintu bitari bike vyarononekaye . Kimwe murivyo ni ibikoresho vyo kuvomera imirima vyarivyubakiye muriyo mirima iri kuma hegitari arenga 57 . Karori Mbonankira akavuga ko agahombo karenga imiriyoni 70 ( +70.000.000 fb) . N'agahinda kenshi yongerako ati : '' Atagikozwe koperative izoja mu buhombe burenza imiriyoni 200.000.000 fbu yakoze kugira iryo tongo rimere neza ''. Uyo muyobozi wa ANACOOP akaba yarababajwe cane n'ivyabaye agirako abemerera ko bazorenganugwa.