BURUNDI: Yibarutse abana batandatu kandi bose ni bazima .

Inyuma yokugenderwa n'Umushikiranganji wa mbere Gervais NDIRAKOBUCA amusanze mubitaro vya gisirikare mu kamenge "Hopital Militaire de Kamenge" akamufashisha agafashanyo k'amafranga y'amarundi agera ku miliyoni zitanu (5 Millions) n'ibifungurwa vy'inanze, umukenyezi Mugisha yari yabwiwe n'abaganga ko yibungenze imbanyi izovukamwo abana batandatu(6) bakurikije ibipimo.

Bwakeye kumusi wa gatandatu IMANA itera iteka umuryango wa MUGISHA, bituma bibera igitangaza n'umugusha k'Uburundi , akaba yibarutse abana batandatu kandi bose ni bazima aho mbere batatu muri bo ni Abahungu (3 Garçons) abandi batatu ni Abakobwa (3 Filles) ariko hakaba hifashishijwe uburyo bwo kubarwa (Opération césarienne).