Argentine : Mbega igikombe c'umupira w'amaguru kibitswe hehe 

Umukuru
w'ishirahamwe ry'umupira w'amaguru mu gihugu ca Argentine Chiqui Tapia yabaye agishika i Buenos Aires aca ashikanira Bikira Mariya
igikombe c’umupira w’amaguru batsindiye.

Hari
ku munsi w'imana igenekerezo rya 18 kigarama ,isaha 12 z'umugoroba mu gihugu ca
Qatar ku kibuga Lusail mu gisagara ca Lusail igihe imirwi y'ibihugu vya
Argentine n'Ubufaransa vyatangura gutana mu mitwe bihibanirwa igikombe c'umupira
w'amaguru ku rwego rw'isi. Urwo rukino rwagira 64 rukaba n'urwanyuma muri iryo
higanwa. Igokombe catwawe bigoranye n'umurwi wa Argentine.

Umukuru w'ishirahamwe ry'umupira w'amaguru mu gihugu ca Argentine Chiqui Tapia
ntiyatevye yabaye agishitse mu gihugu ciwe yaciye atwara igikombe imbere
y'isanamu y'umuvunyi w'igihugu ca Argentine. Umugabekazi w'i Lujan.

Ku girango ashimire cane Bikira Mariya kuri iyo ntsinzi  Chiqui Tapia
yatwaye ico gikombe mw'isengero ry'i Lujan iri ku birometero 60 uvuye ku murwa
mukuru Buenos Aires.

Aha twokwikubuka ko Lionel Messi yari yarakiriye maillot iteweko igikumu na
Papa Fransinsiko ayishikirijwe na musenyeri Emmanuel Gobilliard.