Ngo ivyo ubutatu bweranda ntibisaba amashure

   

Ngo ivyo ubutatu bweranda ntibisaba amashure

Bujumura, igenekerezop rya 26 Rusama,2024 ''Kibondo imyaka umaze wiga muri kaminuza ibijanye n'ibitungwa ko inka irisha ivyatsi bibisi, ibara ryavyo uraribona , igakamwa amata yera wewe watahuye iki?Ico ni ikibazo umuvyeyi yabajije umuhungu wiwe amaze kaminuza ku musi mukuru w'ubutatu bweranda.

Amadini amwe amwe harimwo Ekleziya Gatolika kuri uyu w'Imana niho ahimbaza ubutatu bweranda. Abasigura ibisomwa vy'úno musi ntibiborohera kubera ko ngo ubutatu bweranda ari ikinyegezwa gikomye gutahura.

Bamwe bati : "Twebwe twarize ivyo ntaco bitubwiye n'ibitarivyo twarabitahuye''. N'uko umusore yarangije kaminuza maze aduga iwabo buca ari kumusi mukuru w'ubutatu bweranda. Nyina wiwe aramubaza ati : "Mbega ko uno musi umengo ntuja gusenga''. Nawe ati : '' Ariko ga mama wewe aho wagiriye gusenga ku misi nk'iyi watahuye iki, Data , Mwana na Mutima mweranda ngo bagize umwe. Jewe nsinja mu vyo ntatahura?

Umurimyi- mworozi #Mbonankira Karori  wo mu Kayanza arambandanya ibikorwa vyiwe mu ntara ya Cankuzo.Aha ni umurima w'ihegitari 4 yagwirijeko imbuto ahawe na ISABU wuri muri Komine Mishiha, umutumba Busumanyi.

Ugasangwa uyo musore yari yize ibijanye n'ibitungwa wa mutamakazi aramuraba aramwenyura ati :" Kibondo imyaka umaze wiga muri kaminuza ibijanye n'ibitungwa ko inka irisha ivyatsi bibisi, ibara ryavyo uraribona , igakamwa amata yera wewe watahuye iki? Wa wacu ati: ''Hogi tugenda urashoboye''. Ngo ivyo ubutatu bweranda ntibisaba amashure.