Yateye ikirimba c'umukuru w'igihugu

Yateye ikirimba c'umukuru w'igihugu

Bujumbura, igenekerezo rya 21 Rusama,2024 Mu bucagucagu bw'igenekerezo ry'19 Rusama niho akagwi kitwaje ibigwanisho karongowe na Christian Malanga Musumari, yari umukuru w'umugambwe PCU batera ikirimba c'umukuru w'igihugu mu gihugu giharanira intwaro rusangi ca Kongo.

Christian Malanga Musumari ni nde?

Christian Malanga Musumari yavukiye muri Kongo igenekerezo rya 2 Ruhuhuma , 1983. Yahoze ari mu ngabo z'ico gihugu imbere y''uko aja kuba mu gihugu ca Reta zunze ubumwe za Amerika hamwe n'umuryango wiwe.

Christian Malanga Musumari yarasanzwe arongoye umugambwe Parti Congolais Uni(PCU) yashizeho inyuma ya'amatora ya 2011. Yitrgurira kwitoza ariko aca arafatwa amatora ataraba. Mu 2012 yaciye asubira muri Amerika

Mu mwaka wa 2023. Christian Malanga Musumari yaratowe kuba umuserukizi wa mbere mu biganiro mpuzamakungu mu bijanye no kwishira no kwizana kw'amadini. Muri 2010 yatanguje ishirahamwe Malanga Congo.

Igenekerezo rya 17 Rusama 2017 , umuhari Nouveau Zaire waanshinzwe uca uramenyekana mu gihe Christian Malanga Musumari yashinga Reta yo mu buhungiro i Burusere mu Bubirigi. Guhera ico gihe ntisubiye kwibonekza gushika mu gatondo ko kw'igenekerezo ry'19 Rusama ,2024 aho aherekejwe n'úmuhungi wiwe hamwe n'abandi bagwanyi yinjira mu kirimba c'umukuru w'igihugu muri Kongo. Yahavuye agandagurwa umungu wiwe arakomereka. Apfuye yari yari yatanguje urudandazwa rwúbutare hamwe nábandi banyamerika.

Ikigitero gisa ni igitangaje nticavuzwe cane kandi ngo ciyamirizwe n'ibihugu rutura na cane cane ivyo perezida Félix Antoine Tshisekedi Tshilombo arongoye ico gihugu yaraherutse kugendera no gusinyanira amasezerano y'ubutunzi. Inama nkuru y'abapisikopi niyo yiyamirije ico gitero ikanavuga ko ari ikimenyetso ko hakenewe kuganira muri ico gihugu. Patiri Donasiyano Shole avugira inama y'abo bepisikopi avuga ko muri Kongo hariho abantu batacubaha inzego.