Umukuru w'igihugu Ndayishimiye Varisito ati : "Mbega amahera yose atangwa muri Mutuelle agura imiti?"

 

Umukuru w'igihugu  Ndayishimiye Varisito ati : "Mbega amahera yose  atangwa muri Mutuelle agura imiti?" 

     

Mu kiganiro umukuru w'igihugu Ndayishimiye Varisito yagiranye n'abamenyeshamakuru mu biro iwe Kwa Ntare yarishuye ibibazo bitandukanye vyo mu buzima bw'igihugu.

Yishura kubijanye n'ubutunzi n'itunganywa ry'amashirahamwe yegukira Reta y'Uburundi canke ayo ifisemwo imitahe yaravuze ku mashirahamwe amwe amwe. Nko kw’ishirahamwe rijejwe kuvuza abakozi ba Reta Mutuelle de la Fonction Publique asa n'uwufise amakenga.

Aha abaza ati : ‘’ Mbega amahera yose  atangwa muri Mutuelle agura imiti?’’. Ngo yaratangaye yumvise ko iryo shirahamwe rishaka kugura inyubakwa y’imiriyaridi 7 mugihe ritigera ryerekana amafaranga yasiye buri mwaka kuyo ryakoresheje yatanzwe n’abanwanyi.

Amakenga umukuru w’igihugu kandi arayashira kw’ishirahamwe OTB  rijejwe gutunganya igitegwa c’ikawa mu Burundi. Iryo shirahamwe ngo ryari ryihaye uburenganzira bwo kubaka inyubakwa y’akarorero mugihe muvyo rijejwe ivyo inyubako atabirimwo,

Umukuru w’igihugu Varisito Ndayishimiye amenyesha ko yaciye ahagarikika ivyo bikorwa. Ku bijanye n’ishirahamwe ryo gutumatumanako ONATEL yamenyesheje ko abarirongoye bananiwe ko hakwiriye abahinga boza kurivyura.

Umukuru w’igihugu avuga ko umushinge w’ iterambere ari akamikamuntu